Hoppa till huvudinnehåll
Artikel från Kulturdepartementet

GÅLLEGIELLA- Nuorttarijkaj sáme giellaguddnebálkká juogeduvvá tjavtjan 2020 (lulesamiska)

Publicerad

GÅLLEGIELLA - Nuorttarijkaj sáme giellaguddnebálkká juogeduvvá avtsát bále tjavtjan 2020, sámeministarij ja sámedikkepresidentaj jahkásasj tjåhkanimen Helsingforsan. Giellaguddnebálkká juogeduvvá aktugattjajda jali organisasjåvnåjda Vuonan, Svierigin, Suoman jali Gárjjelin sámegielajt åvddånahtátjit.

Gållegiella- Nuorttarijkaj sáme giellaguddnebálkká l ásaduvvam sámeministarijs ja sámedikkepresidentajs Vuonan, Svierigin ja Suoman. Guddnebálkká juogeduvvá fert nuppát jage, vuostasj bále jagen 2004. Guddnebálkká stuorrudak la 15 000 euro.

Giellaguddnebálkká ulmme

Giellaguddnebálkká ulmme l sámegielajt åvddånahttet ja várjjalit Vuonan, Svierigin, Suoman ja Gárjjelin.

Gut máhttá giellaguddnebálkáv oadtjot?

Giellaguddnebálkká juogeduvvá aktugattjajda, juohkusijda, organisasjåvnåjda, siebrijda ja institusjåvnåjda gudi li árvostahttám sámegielav/sámegielajt tjálalattjat, njálmálattjat jali ietjá láhkáj. Gájklágátja álggaga ma åvddånahtti gielav vieleduvvi. Guddnebálkká máhttá juogeduvvat guoktásij. 

Oajvvada åhttsev!

Viesádijt, organisasjåvnåjt, institusjåvnåjt ja fábmudagájt Vuonan, Svierigin, Suoman ja Gárjjelin máhtti nammadit åhttsev giellaguddnebálkkáj 2020. Buvte tjálalasj oajvvadusáv vuojtten ja tjálalasj tjielggidusájn 1-2 biele. Rája oajvvadusáv åvddål 16.8.2020. Diededibme rájaduvvá árvustallamrádáj:

Gållegiella - árvustallamráde 

Anne Kirste Aikio

Sajos

Menesjärventie 2

FI-99870 Inari

[email protected]

Laddar...